„Klopp er tví­mæla­laust rétti maðurinn“

„Mér finnst þetta góð lausn,“ sagði Hainer við fréttamenn á miðvikudag.

„Þegar litið er á frammistöðu landsliðsins á síðustu þremur heimsmeistaramótum þarf það núna hvatningu og tilfinningu fyrir nýju upphafi. Klopp er tvímælalaust rétti maðurinn,“ sagði Hainer við þýsku fréttastofuna DPA en Yahoo Sports segir frá.

Hinn 59 ára gamli Klopp ætlar að öllum líkindum að snúa aftur í þjálfun og reyna að rífa upp þýska landsliðið sem hefur ollið vonbrigðum á hverju stórmótinu á fætur öðru. Viðræður standa yfir og er vilji hjá báðum að semja.

Hainer lítur á leikmannahópinn sem er í boði og ferilskrá Klopps sem góða blöndu sem er líkleg til afreka.

„Við eigum góða fótboltamenn. Ég tel að Jürgen Klopp sé tvímælalaust rétti maðurinn. Hann hefur náð gríðarlegum árangri með öllum félögunum sem hann hefur starfað hjá, Mainz, Dortmund og Liverpool,“ sagði Haine

„Hann náði stuðningsmönnunum á sitt band. Hann náði leikmönnunum á sitt band og lyfti öllu félaginu í hvert skipti. Ég held að það myndi líka gera þýska landsliðinu gott,“ sagði Haine

Síðan Julian Nagelsmann yfirgaf Þýskaland eftir vonbrigðin á HM gegn Paragvæ hefur Jürgen Klopp verið augljós fyrsti kostur fyrir þýska knattspyrnusambandið.

Áður staðfesti Klopp hjá MagentaTV að hann hefði náð samkomulagi við Red Bull, sem myndi gefa honum tækifæri til að taka við sem landsliðsþjálfari.