Tékki til Njarð­víkur

Svejcar er 32 ára gamall og fæddur í Bandaríkjunum en er einnig með tékkneskt ríkisfang og tók þátt í undankeppni Ólympíuleikanna með landsliði Tékklands árið 2023.

Hann lék síðast með liði FC Cartagena Basketball í næstefstu deild Spánar en hafði allan atvinnumannaferilinn fram að því leikið með liðum í Tékklandi.

Njarðvík hafnaði í 8. sæti Bónus deildarinnar á síðasta tímabili og féll úr leik í fyrstu umferð úrslitakeppninnar gegn deildarmeisturum Grindavíkur. Milli tímabila hefur Njarðvík misst stigakóng síðasta tímabils, Dwayne Lautier-Ogunleye, en er byrjað að styrkjast á ný.

„Spencer er reynslumikill bakvörður sem mun styrkja bakvarðasveitina okkar til muna. Hann er frábær skotmaður en getur líka sett boltann i gólfið og keyrt á hringinn og búið til fyrir aðra. Reynsla hans og karakter mun vera frábær viðbót við hópinn og hlakka ég mikið til að sjá hann kveikja í netinu í IceMar höllinni í vetur,“ sagði Rúnar Ingi þjálfari Njarðvíkur í tilkynningu liðsins.