Sam­herji Martins til Knicks

Houston Rockets valdi Kayil með 39. valrétti í nýliðavali NBA-deildarinnar en skipti honum til Knicks.

Hinn tvítugi Kayil var valinn besti ungi leikmaður þýsku úrvalsdeildarinnar og Meistaradeildar Evrópu á nýafstöðnu tímabili.

Alba Berlin varð þýskur meistari eftir endurkomusigur á Bayern München, 81-84, í oddaleik um titilinn á dögunum. Martin var í stóru hlutverki hjá Alba Berlin líkt og þegar liðið varð meistari 2020.

Á síðasta tímabili var Kayil með 7,7 stig og 2,8 stoðsendingar að meðaltali í leik í þýsku deildinni.

Knicks varð NBA-meistari fyrr í þessum mánuði, í fyrsta sinn í 53 ár. Liðið vann San Antonio Spurs, 4-1, í úrslitaeinvíginu.