Tuttugu gellur á einu kvöldi

Önnur sería þáttanna Gugga fer á djammið í umsjón Guðrúnar Svövu Egilsdóttur, Guggu í gúmmíbát, er farin af stað á Vísi og tók hún sumarpúlsinn á fólki í miðborginni og stúdentum í fyrsta þætti.

Meðal þeirra sem Gugga ræddi við voru tvær nýútskrifaðar ungar konur úr Menntaskólanum við Sund en þar bar hún upp sérstaklega undarlega spurningu: „Hvort mynduð þið frekar, pegga Binna Glee eða leyfa Patta Jaime að ríða ykkur?“ 

Stúlkurnar voru á einu máli en hægt er að sjá svarið í þættinum hér að ofan. Þá ræddi Gugga einnig við ungan pólitískan mann og söngfugl sem gaf henni tóndæmi. Eftir það lá leið Gugga á næturklúbbinn Auto þar sem hún ræddi við bæði stuðboltann Nduru og tónlistarmanninn Issa. 

„Hvað hefurðu verið með mörgum stúlkum á einu kvöldi?“ spurði Gugga.

„Þú ert að setja pressu á mig, svaraði Nduru sem þurfti að hugsa sig aðeins um. „Svona tuttugu,“ svaraði hann síðan spyrlinum til mikillar undrunar.

Eftir að hafa spyrt djammara í miðborginni spjörunum úr þá fór Gugga í útskriftarpartý í Erluásinn í Hafnarfirði, ræddi þar við staðarhaldara, æstan nýútskrifaðan MS-ing og gamlan óvin úr æsku.