„Heimskasta körfuboltalið í sögu mann­kyns“

Knicks leiða einvígið 3-1 eftir sigurinn í nótt og geta orðið meistarar í fyrsta sinn síðan 1973 með einum sigri í næstu þremur leikjum.

Allt leit þó út fyrir að Spurs myndu fagna sigri í nótt og jafna einvígið. Gestirnir í Madison Square Garden byrjuðu leikinn með látum og leiddu mest með 29 stigum í fyrri hálfleik. Knicks náðu hins vegar stærstu endurkomu sögunnar og fögnuðu sigri.

„Við sáum heimskasta körfuboltalið í sögu mannkyns. Þeir tóku átta þriggja stiga skot í röð þegar þeir voru með 25 stiga forystu. Þetta var einhver versti, heimskasti körfubolti sem ég hef séð.

Þegar þú vinnur upp 29 stiga forystu verður hitt liðið að hjálpa þér, og San Antonio Spurs hjálpuðu New York Knicks að vinna þennan leik með því að gera nokkra heimskustu hluti sem ég hef séð inni á körfuboltavelli,“ sagði Charles Barkley, sérfræðingur hjá ESPN, eftir leik.

Shaquille O‘Neal tók undir með Barkley en benti líka á meistaramáttinn sem Knicks sýndu.

„Ég er sammála þér. Þeir spiluðu ömurlegan körfubolta. Þeir voru orðnir þægilegir, byrjaðir að pæla í næsta leik og spiluðu ekki vel. Maður verður samt að gefa Knicks hrós, þeir börðust til baka eins og sannir meistarar.“