Ein karfa skildi liðin að

Leikurinn var heilt yfir mjög jafn og í hálfleik var staðan jöfn 35-35. Tryggvi og félagar komu sterkir inn í síðari hálfleikinn og voru sjö stigum yfir eftir þriðja leikhluta 62-56.

Eftir dapran þriðja leikhluta keyrðu Valencia-menn upp hraða leiksins. Liðið skoraði 28 stig í fjórða leikhluta og Bilbao gat ekki haldið í og endaði á að tapa leiknum með þrem stigum 83-80.

Tryggvi átti flottan leik þar sem hann var með tólf stig og átta fráköst eftir að hafa spilað 24 mínútur af leiknum. Jean Montero og Braxton Key hjá Valencia áttu báðir stórleik og skoruðu sautján stig hvor.

Valencia er nú 1-0 yfir í einvígi liðanna en aðeins þarf að vinna tvo leiki til að komast áfram. Tryggvi og félagar í Bilbao Basket þurfa því að vinna næstu tvo leiki gegn Valencia til þess að komast áfram í undanúrslit.