Stjörnufans í eins árs af­mæli

Boðið var haldið fyrir vini, samstarfsfólk, viðskiptavini og velunnara Studioek, sem komu saman til að fagna fyrsta árinu með stofnendunum, félögunum Edvardi Degi og Kristjáni Inga.

Studioek vinnur á mörkum hönnunar, tækni og nýsköpunar. Stofan hjálpar fyrirtækjum, vörumerkjum og sprotum að móta stafrænar vörur, vefi, öpp, vörumerki og notendaupplifanir.

Samhliða uppbyggingu Studioek hafa stofnendurnir einnig unnið að heilsutæknifyrirtækinu Nouri, sem er nú fáanlegt í App Store.

„Fyrsta árið hefur verið ótrúlega lærdómsríkt og skemmtilegt. Við höfum fengið að vinna með frábæru fólki, framsæknum fyrirtækjum og að verkefnum sem okkur þykir vænt um. Það var því frábært að fá að fagna þessum áfanga með fólkinu í kringum okkur,“ segir Edvard Dagur, meðstofnandi Studioek.

Afmælisboðið fór fram í afslappaðri stemningu á skrifstofu Studioek fyrir ofan Kaffi Vest, þar sem gestir skáluðu, spjölluðu og fögnuðu fyrsta starfsárinu með teyminu.

Hér má sjá vel valdar myndir frá fjörinu: