Körfubolti

Tryggvi tryggði sigur á móti Elvari

Andri Broddason skrifar
Tryggvi Snær Hlinason átti stórleik fyrir Bilbao Basket í kvöld.
Tryggvi Snær Hlinason átti stórleik fyrir Bilbao Basket í kvöld. vísir/Sigurjón

Tryggvi Snær Hlinason átti frábæran leik fyrir Bilbao Basket í lokaumferð spænsku úrvalsdeildarinnar í körfubolta. Með sigrinum tryggði liðið sig í úrslitakeppni deildarinnar.

Landsliðsmaðurinn Tryggvi Snær Hlinason spilaði frábærlega á móti Elvari Má Friðrikssyni og félögum í La Laguna Tenerife. Bilbao Basket var tveim stigum undir í hálfleik en liðið átti frábæran þriðja leikhluta þar sem liðið skoraði þrjátíu stig. Tryggvi Snær og félagar héldu forystunni eftir leikhlutann og leikurinn endaði með sigri Bilbao Basket 87-82.

Tryggvi Snær náði tvöfaldri tvennu í leiknum. Hann var með tuttugu stig og ellefu fráköst. Elvar Már náði sér ekki alveg á strik en hann var aðeins með sjö stig og tvær stoðsendingar.

Þrátt fyrir tap í leik kvöldsins komst La Laguna Tenerife í úrslitakeppnina. Liðið endaði í áttunda sæti og mætir þá Real Madrid í fyrsta leik úrslitakeppninnar.

Bilbao Basket enduðu í sjöunda sæti og mæta þá Valencia í fyrsta leik úrslitakeppninnar.

Spænski körfuboltinn

Tengdar fréttir

Tryggvi upp fyrir Elvar fyrir upp­gjörið á Tenerife

Tryggvi Snær Hlinason og Elvar Már Friðriksson, lykilmenn íslenska landsliðsins, eru í afar jafnri baráttu með liðum sínum um síðustu lausu sætin í úrslitakeppni spænsku úrvalsdeildarinnar í körfubolta.

Gerir ekki ráð fyrir heimkomu

Elvar Már Friðriksson vonast til að skrefið til ACB liðsins Tenerife eigi eftir að opna fyrir fleiri möguleika fyrir hann á næsta tímabili. Hann er líklega ekki á heimleið.

Mest lesið


Fleiri fréttir

Sjá meira


×

Mest lesið