Einum sigur­leik frá Bónus deildinni

Leikur kvöldsins fór fram á Höfn í Hornafirði og settu heimamenn tóninn fyrir leikinn strax í fyrsta leikhluta þar sem þeir skoruðu 30 stig á móti aðeins 13 stigum frá Breiðabliki.

Forystuna létu Sindramenn aldrei af hendi og sigldu að lokum heim fjórtán stiga sigri 91-77 og eru því komnir 2-1 yfir í einvíginu. 

Liðin mætast næst í Smáranum í Kópavogi en með sigri þar getur Sindri tryggt sér sæti í Bónus deildinni á næsta tímabili. Sigur Breiðabliks mun knýja fram oddaleik.