Tyrkir fyrstir til að tryggja sér sæti í úr­slita­leik

Tyrkland vann 1-0 heimasigur á Rúmeníu í sínum undanúrslitaleik í kvöld og mætir annaðhvort Slóvakíu eða Kosovo í úrslitaleiknum.

Ferdi Kadioglu, leikmaður Brighton & Hove Albion, skoraði eina mark leiksins á 53. mínútu eftir að hafa átt gott hlaup inn í teiginn og fengið frábæra stoðsendingu frá Real Madrid-leikmanninum Arda Güler.

Þetta var naumur en sanngjarn sigur. Tyrkir voru miklu meira með boltann og sköpuðu sér mun meiri færi. Rúmenar áttu stangarskot í seinni hálfleik og voru nálægt því að jafna leikinn og tryggja sér framlengingu.