Mikael Egill og Messías stóðu fyrir sínu í sigri

Mikael Egill leikur lykilhlutverk í liði Genoa og leikur dagsins var gífurlega mikilvægur, bæði lið á svipuðum stað í deildinni og þurftu stig til að koma sér enn lengra frá fallsætinu.

Lið Genoa réði ferðinni í dag og mörk frá Brooke Norton-Cuffy og Caleb Ekuban sáu til þess að liðið fór með tveggja marka forystu inn til búningsherbergja í hálfleik, 2-0.

Mark frá Junior Messias undir lok venjulegs leiktíma innsiglaði síðan frábæran 3-0 sigur liðsins. 

Með sigrinum fer Genoa upp fyrir Torino í 14.sæti ítölsku úrvalsdeildarinnar. Torino er sæti neðar en bæði lið eru með 27 stig og sem stendur sex stigum frá fallsæti.