Jana Stein­gríms og Lilja Ketils héldu bleikt partý

Viðburðurinn fór fram fimmtudaginn 30. október og var helgaður vellíðan, sjálfsrækt og innri ró. Markmiðið var að skapa rými þar sem konur gætu tekið sér stund til að hægja á, snúa inn á við og efla vitund um eigið jafnvægi.

Við komuna var gestum boðið upp á hollar og bragðgóðar veitingar úr smiðju Jönu. Hjónin Ragnheiður Gröndal og Guðmundur Pétursson fluttu ljúfa tónlist og Sigrún frá Happy Hips fræddi gesti um vagus-taugina og mikilvægi hennar fyrir líkamlega og andlega heilsu.

Síðar um kvöldið buðu þær Jana og Lilja upp á rólegt Yin jóga, dans og öndunaræfingar, og í lokin fór fram kærleikshugleiðsla og tónheilun með Áshildi Hlín Valtýsdóttur sem skapaði kyrrð og innri tengingu.

Kvöldinu lauk svo með veglegu happdrætti og notalegri samverustund.

Ljósmyndir frá kvöldinu tók Sigríður Ella ljósmyndari.