Átti sumar engu öðru líkt

Wembanyama mætti í fyrsta leik á NBA-tímabilinu og bauð upp á 40 stig, 15 fráköst, 3 varin skot á meðan hann tapaði ekki einum bolta og hitti úr sjötíu prósent skota sinna.

Hversu góður leikur? Jú, enginn leikmaður hafði náð svona tölum í NBA frá 1977 til 1978 eða í næstum því hálfa öld.

„Hann hefur verið frá í átta mánuði,“ sagði Mitch Johnson, þjálfari San Antonio Spurs. „Þannig að maður sá hann nýta sér tækifærið og spila stórkostlega. En satt að segja, þá er það sem hefur vakið mesta athygli mína er að hann tapar ekki boltanum einu sinni. Fjöldi góðra hluta sem hann gerði í kvöld var ótrúlegur,“ sagði Johnson.

San Antonio Spurs ákvað að gefa Wembanyama góðan tíma til að ná sér af meiðslunum og hann átti síðan sumar sem er engu öðru líkt.

Wemby gerði allt annað en að spila körfubolta í sumar, og það var kannski besta ákvörðun sem hann hefur tekið.

Í febrúar síðastliðnum var ákveðið að hvíla Wemby þar sem eftir lifði tímabilsins eftir að hafa fengið greiningu um blóðtappamyndun í hægri öxl.

Þessi tegund meiðsla getur valdið því að sumir leikmenn verða að setja skóna upp á hillu ef ekki er brugðist rétt við.

Wemby þurfti að taka blóðþynningarlyf í fimm mánuði og var bannað að stunda líkamlega hreyfingu eða snertingu.

En hann passaði sig samt á að hafa nóg að gera á þessum tíma og upptalningin er mögnuð eins og sjá má hér fyrir neðan.

- Sótti 10 daga kyrrðarferð í Shaolin-klaustrinu í Kína

- Reyndi þúsund spörk á dag

- Spilaði fótbolta gegn atvinnumannaliðum í Japan

- Æfði með goðsögnunum Hakeem Olajuwon og Kevin Garnett

- Heimsótti geimferðamiðstöð NASA og talaði við geimfara

- Hélt körfubolta- og skákmót í Frakklandi

Wemby notaði tímann sérstaklega til að þjálfa og styrkja andlegt ástand sitt og það lítur bara út fyrir að hafa gert hann enn hættulegri. Nú í dag virðist Wemby, bæði líkamlega og andlega, vera óstöðvandi og það er ekki honum hægt en að óska restinni af deildinni velfarnaðar til að reyna að stoppa hann í vetur.