NFL leikir á Maracanã næstu fimm árin

NFL deildin hefur einbeitt sér að alþjóðlegri útbreiðslu íþróttarinnar undanfarin ár og sett upp leiki víðsvegar um heiminn. Spilað verður í Dyflinn á Írlandi næsta sunnudag, síðan verða þrír leikir í Lundúnum og tveir leikir í nóvember munu fara fram í Berlín og Madríd.

Opnunarleikir síðustu tveggja tímabila hafa verið haldnir í Brasilíu á leikvangi í Sau Paulo, en nú ætlar NFL deildin að bæta um betur og færa sig yfir á Maracanã í Rio de Janeiro.

Maracanã var byggður fyrir heimsmeistaramótið í fótbolta árið 1950 og hýsti tæplega tvö hundruð þúsund manns í einu sárasta tapi í knattspyrnusögu Brasilíu þegar Úrúgvæ vann úrslitaleikinn 2-1.

Síðan þá hefur margar góðar sögur verið skrifaðar á Maracanã, Pelé skoraði til dæmis sitt þúsundasta mark þar árið 1969, og nú bætir NFL deildin nýjum kafla við.