Körfubolti

Svona var EM-Pallborðið

Ágúst Orri Arnarson skrifar
Sigurður Pétursson og Ólafur Ólafsson hituðu upp fyrir EM í körfubolta í Pallborðinu.
Sigurður Pétursson og Ólafur Ólafsson hituðu upp fyrir EM í körfubolta í Pallborðinu. vísir/grafík

Íslenska landsliðið hefur leik á EM í körfubolta í hádeginu á morgun með leik gegn Ísrael. Hitað var upp fyrir leik morgundagsins og mótið allt í EM-Pallborðinu sem var í beinni útsendingu á Vísi klukkan 14:00. Sigurður Pétursson og Ólafur Ólafsson mættu í settið.

Pallborðið má sjá í spilaranum hér fyrir neðan.

Ólafur er fyrirliði Grindavíkur og hefur spilað meira en fimmtíu landsleiki fyrir Ísland. Sigurður á þrjá landsleiki fyrir Íslands hönd, hann samdi við Álftanes í sumar en hefur undanfarin tvö tímabil verið lykilmaður í liði Keflavíkur.

Báðir voru í tuttugu manna æfingahópnum sem landsliðsþjálfarinn Craig Pedersen valdi, en náðu ekki í gegnum niðurskurðinn.

Þeir veittu sitt sérfræðiálit og Stefán Árni Pálsson, þáttastjórnandi Körfuboltakvölds, stýrir umræðunum. Einnig veittu fréttamenn Sýnar sem staddir eru á mótinu úti í Póllandi, Henry Birgir Gunnarsson og Valur Páll Eiríksson, áhorfendum innsýn í undirbúning landsliðsins fyrir fyrsta leik.

Ísland hefur leik gegn Ísrael klukkan 12 á morgun, fimmtudag. Eftir það eru svo að minnsta kosti fjórir leikir næstu átta daga gegn Belgíu, Póllandi, Slóveníu og Frakklandi.

EM 2025 í körfubolta Landslið karla í körfubolta Pallborðið

Mest lesið


Fleiri fréttir

Sjá meira


×

Mest lesið