Myndaveisla frá Hveragerði þar sem Bylgjulestin var í beinni

Bylgjulestin 11. júní 2025 12:20

Fyrsti viðkomustaður Bylgjulestarinnar í sumar var Hveragerði en þar kom hún sér vel fyrir síðasta laugardag innan um fjölda góðra gesta og hlaupara sem tóku þátt í utanvegahlaupinu Hengill Ultra Trail sem fór fram dagana 6. og 7. júní.

„Stemningin í bænum var stórkostleg og það var ótrúlega gaman að sjá allan þann fjölda sem mætti til að heimsækja Hveragerði og hvetja sitt fólk áfram í hlaupinu,“ sagði Kristín Ruth Jónsdóttir, dagskrárgerðarkona á Bylgjunni en hún mun stýra Bylgjulestinni í sumar ásamt þeim Braga Guðmunds og Sigvalda Kaldalóns.

„Veðrið var ótrúlega fallegt, sólin skein inn á milli og hlýjaði þá loftið en þetta var fullkomið veður fyrir alla þá hörku hlaupara sem voru mættir í Hengil Ultra. Það fór vel um okkur Braga inni í Bylgjulestinni þegar það dró fyrir sólu en annars var gott að standa úti í Hveragerði.“

Viktor Freyr ljósmyndari var á staðnum og fangaði stemninguna í bænum.

Einar Bárða var einn góðra gesta sem kíkti í heimsókn.

Það má með sanni segja að Hengill Ultra hlaupið hafi sett svip á Hveragerði þennan daginn. „Það var ótrúlegt að sjá allan þennan fjölda af fólki. Það er greinilega að utanvegarhlaup er að koma sterkt inn og ég held að það hafi verið met fjöldi fólks sem tók þátt í ár. Það var stórkostlegt að sjá þetta og manni langaði bara að reima á sig hlaupa skóna og vera með!“

Þátttakendur í Hengli Ultra voru ekkert eðlilega peppaðir.

Eins og venjuleg mætti fjöldi góðra gesta í heimsókn. „Einar Bárða kom til okkar og sagði okkur allt um Hengil Ultra, fór í gegnum hlaupaleiðirnar, hvernig þessi keppni byrjaði og hvað væri framundan. Brynjólfur J. Baldursson mætti einnig í heimsókn og ræddi stórkostlega uppbyggingu þeirra í bænum en hann er eigandi Gróðurhússins í Hveragerði, sem er mathöll, verslun og hótel.

Utanvegahlaupið Hengill Ultra Trail setti skemmtilegan svip á bæjarlífið þegar Bylgjulestin var í bænum á laugardaginn.

Hann sagði okkur einnig frá uppbyggingunni sem er að eiga sér stað innar í bænum þar sem er fyrirhugað að opna baðlón og svo auðvitað Mega Zipline bæjarins sem þeir standa einnig fyrir. Að lokum kíktu þeir Gunni Óla og Addi Fannar úr Skítamóral í heimsókn en sveitin var með tónleika um kvöldið á Selfossi.“

Það er því ljóst að Kristín var mjög ánægð með daginn. „Það var ótrúlega gaman að sækja Hveragerði heim! Við fengum að smakka bestu pizzur landsins á Hoflandi og hittum mikið af frábæru fólki. Takk fyrir að taka svona vel á móti okkur.“

Samstarfsaðilar Bylgjulestarinnar voru að sjálfsögðu með í för. Sjóvá og Samgöngustofa fjölluðu um umferðaröryggi, Topptjöld og vagnar sýndu iKamper vagna, gestir gæddu sér á 7up Zero og bílaumboðið Askja var með bílasýningu.