Skotheldar hugmyndir fyrir konudaginn

Svava Marín Óskarsdóttir skrifar 21. febrúar 2025 07:00

Konudagurinn er næstkomandi sunnudag! Nýtum tækifærið og gleðjum konurnar í okkar lífi!

Konudagurinn, fyrsti dagur Góu, er haldinn hátíðlegur næstkomandi sunnudag. Dagurinn þar sem hefð er fyrir því að gleðja og dekra konur landsins með fallegum blómvendi eða öðrum gjöfum. Hér fyrir neðan fá finna fjölbreyttar hugmyndir um gjafir og samveru fyrir konudaginn.

Saga konudagsins nær aftur til 19. aldar, en hann varð almennt þekktur um allt land um 1900. Árið 1927 fékk konudagurinn opinbera viðurkenningu þegar hann var tekinn upp í Almanak Þjóðvinafélagsins.

Photo by Michael Ochs Archives/Getty Images

Framan af var dagurinn helst haldinn hátíðlegur innan heimilisins, en á fjórða áratug síðustu aldar hófu kaupmenn að auglýsa matvæli sérstaklega fyrir konudaginn. Tveimur áratugum síðar, eða um miðjan sjötta áratuginn, tóku blómasalar að kynna konudagsblóm og urðu blómvendir fljótt fastur hluti af hefðinni.

Konudagsblóm klikka ekki

Í áratugi hefur það verið hefð að gefa konum blómvönd á konudaginn. Það er fátt sem gefur heimilinu jafn ferskan blæ og fallegur blómvöndur!

Vasi fyrir blómvöndinn!

Farðu alla leið og gefðu konunni fallegan vasa undir blómin. Þessi skemmtilegi blómavasi frá sænska merkinu Klong er öðruvísi þar sem stilkunum er stungið ofan í lítil göt. Vöndurinn fær öðruvísi og flott lúkk!

Klong er sænskt gjafavörumerki með ýmis konar fallegar vörur fyrir heimili. Kertastjakarnir, blómapottarnir og vasanir lífga svo sannarlega upp á umhverfið.Skjáskot/Calmo.is

Dögurður og kaffi í rúmið

Útbúðu ljúffengan dögurð og færðu ástinni þinni rjúkandi kaffibolla í rúmið. Það er varla betri byrjun á deginum!

Close up of a woman's hands holding cup of coffee on bed. Beautiful woman with long hair holding cup of coffee or cacao in bed at home. Morning, coziness, morning lifestyle concept.

Kampavín og súkkulaði

Eftir að börnin eru komin í rúmið er tilvalið að bjóða konunni upp á glas af góðu kampavíni og eitthvað dýrindis súkkulaði með.

Back of head close up of couple cheering with champagne glasses Back of head close up of couple during holidays cheering with champagne glasses in front of fireplace with cheese board

Nudd og notalegheit

Vellíðan og aflsöppun er gjöf sem er nærandi fyrir bæði líkama og sál. Gerðu vel við þína og pantaðu tíma í nudd og njótið samverunnar í einni af heilsulindum landsins.

Aldrei nóg af skarti!

Fallegur skartgripur er sígild gjöf fyrir ástina þína. Hvort sem það er hálsmen eða eyrnalokkar virðast konur aldrei eiga nóg af fallegu skarti.

Drauma taskan

Hin handhæga Misu-handtaska frá norska töskuframleiðandanum Cala Jade er ein af vinsælustu vörum merkisins. Skiljanlega, þar sem öll smáatriði eru hugsuð út í gegn. Töskurnar eru handunnar af hæfileikaríkum konum í Indlandi úr gæða leðri og eru framleiddar í þremur mismunandi stærðum.

Næs heimasett

Eftir langan vinnudag er fátt betra en að henda sér í þægilegan og stílhreinan kósý-galla. Þetta flotta sett er frá íþróttamerkinu Aimn og er sérstaklega mjúkt og notalegt. Settið er til í nokkrum mismunandi litum.

Flott sett frá íþróttavörumerkinu Aim'n.Skjáskot/Boozt

Dekur fyrir húðina

Að gefa vörur sem dekra við húðina verður að teljast góð konudagsgjöf. Hér að neðan má sjá tvö mismunandi ferðasett sem hafa verið vinsæl meðal íslenskra kvenna undanfarin ár.

Strigaskór með hækkandi sól

Dagarnir eru farnir að lengjast, og má segja að vorið sé á næsta leiti. Frábær gjöf fyrir konuna væri nýir og flottir íþróttaskór. Adidas Gazelle skórnir hafa verið mjög vinsælir og fást í mörgum litum og útfærslum.