Góð kjör á af­mælissýningu Toyota

Á sýningunni verða boðnir 60 raf- og Plug-in Hybrid bílar á ótrúlegu verði í tilefni þess að 60 ár eru síðan fyrsti Toyota bíllinn var fluttur til landsins. Góð kjör bjóðast hvort sem bíllinn er keyptur eða tekinn í KINTO One langtímaleigu.

„Á sýningunni á morgun munum við kynna einstök verð á langtímaleigu á Toyota og Lexus bílum,“ segir Haukur Þór Sigurðsson, framkvæmdastjóri KINTO. „Við leggjum sérstaklega áherslu á vistvæna bíla, rafmagns- og tengiltvinnbíla. Ég hvet fólk eindregið til þess að kíkja við og prufukeyra Toyota bZ4X ef það hefur ekki gert það nú þegar enda eru aksturseiginleikarnir stórkostlegir.“

Hann segir starfsfólk KINTO hafa fundið það sífellt meir undanfarið að margir eru að velta fyrir sér langtímaleigu á bílum. „Ég hvet því þann hóp til að kíkja við hjá söluaðilum Toyota um helgina og taka spjallið, það gæti margborgað sig. Þessi þróun er í samræmi við það sem er að gerast víða um heim. Það sést m.a. í Norður Ameríku og Evrópu á síðustu 5-10 árum að fleiri vilja nýta sér langtímaleigu en ég mundi segja að helstu kosturinn við það fyrirkomulag séu aukin þægindi.“

Í langtímaleigu veit fólk nefnilega hversu lengi það hefur bílinn og hvað hann mun kosta á þeim tíma. „Það fylgir því mikil hugarró að þurfa ekki að hugsa út í þá hluti sem fylgir því að eiga bíl, svo sem bifreiðagjöld, tryggingar, afskriftir, dekk, þjónustu og viðhald. Þú mætir bara með bílinn á réttum tíma í þjónustu og fyllir hann af orku, hvort sem það er rafmagn, bensín eða dísel, við sjáum um rest. Það að keyra um á nýjum bíl hefur aldrei verið einfaldara.“

Hjá KINTO er hægt að leigja allar tegundir af Toyota og Lexus bílum til 12, 24 eða 36 mánaða. „Innifalið í leigunni eru bifreiðagjöld, tryggingar, þjónusta, dekk, bifreiðagjöld og 20.000 km akstur á ári. Í raun allt nema orkugjafinn og rúðuvökvi,“ segir Haukur að lokum.

Toyota tekur vel á móti gestum á laugardag kl. 12 - 16 hjá viðurkenndum söluaðilum í Kauptúni, Reykjanesbæ, á Akureyri og Selfossi.