Lífið

„No Hingris Honly Mandarin“

Jakob Bjarnar skrifar
Ekki vantaði höfðingjana á opnunina en þarna eru þeir Stephan Stephensen listamaður, Sigurður Hall stórkokkur og Runólfur Ágústsson fjárfestir að gantast en í baksýn má sjá þá Skúla Tómas Gunnlaugsson sem var annar sýningarstjóra og Friðrik Þór Friðriksson kvikmyndamógúl. 
Ekki vantaði höfðingjana á opnunina en þarna eru þeir Stephan Stephensen listamaður, Sigurður Hall stórkokkur og Runólfur Ágústsson fjárfestir að gantast en í baksýn má sjá þá Skúla Tómas Gunnlaugsson sem var annar sýningarstjóra og Friðrik Þór Friðriksson kvikmyndamógúl.  vísir/viktor freyr

Myndlistarmaðurinn Jón Óskar opnaði sýningu sína í gær á Vinnustofu Kjarval, nýjum samkomu- og sýningarsal á vegum Kjarvalsstofu í Austurstræti 10a á 2. hæð. Við þetta tækifæri var Jón Óskar gerður að sérlegum heiðurslistamanni staðarins.

„Sem mér þykir mikið vænt um. Sýningin heitir „No Hingris Honly Mandarin“, sem er vísun í tungumálanám Daníels Magnússonar í Kína en við félagarnir dvöldum þar um tíma og speisuðum yfir ýmsu; tungu og teikningu,“ segir Jón Óskar.

Sýningarstjórar voru þeir Halldór Björn Runólfsson listfræðingur, sem skrifar jafnframt texta í katalóg og Skúli Tómas Gunnlaugsson listaverkasafnari og læknir. 

Útsendar Vísis voru á vettvangi og má hér neðar sjá myndir af því þegar Jón opnaði sýninguna; þar var margt mektarmenna úr listum og athafnalífi.

Þarna er listamaðurinn ásamt þeim Kristínu Þorsteinsdóttur fjölmiðlakonu og Margréti Lísu Steingrímsdóttur skólastjóra og listunnanda.vísir/viktor freyr
Þarna er Daníel Magnússon listamaður, sem er eiginlega músa sýningarinnar í miðri sögu, en hann er sögumaður af guðs náð og Ásgeir Friðgeirsson athafnamaður hlustar af andakt ásamt fleirum. vísir/viktor freyr
Már Guðmundsson fyrrverandi seðlabankastjóri og fyrrverandi bekkjabróðir Jóns Óskars, Halldór Björn Runólfsson listfræðingur, Gunnar Haraldsson hagfræðingur og Magnús Árni Skúlason.vísir/viktor freyr
Greinlegt er að verk meistarans vöktu mikla hrifningu á opnuninni. Auður Ómarsdóttir myndlistarkona er hér að skoða verk eftir Jón Óskar ásamt litlu dóttur sinni.vísir/viktor freyr
Blaðamaður Vísis ásamt barnabarni sínu, listunnandanum Unnsteini Ágústi Schram.vísir/viktor freyr
Burkni Óskarsson, sonur listamannsins og umboðsmaður. Hér ásamt Þórði Kárasyni framkvæmdastjóra Papco.vísir/viktor freyr
Starkaður Pétursson leikari grandskoðar eitt þeirra verka sem voru á sýningunni. vísir/viktor freyr
Bræðurnir Jón Óskar og Þorvar Hafsteinsson sem frægastur var fyrir það að hafa verið forsöngvari hins goðsagnakennda pönktríós Jonee Jonee. vísir/viktor freyr
Listamaðurinn náði varla að klára samtal við nokkurn mann áður en sá næsti var mættur og vildi kynna sig.vísir/viktor freyr
Ánægðir með afa sinn. Hér eru þeir Burknasynir Björgúlfur og Baldur Björn ásamt sjálfum listamanninum.vísir/viktor freyr
Halldór Björn Runólfsson listfræðingur var annar sýningarstjóranna og hér ásamt blaðamanni Vísis.vísir/viktor freyr
Skúli Tómas Gunnlaugsson listaverkasafnari og læknir var sýningarstjóri og hann flutti ávarp.vísir/viktor freyr

Hulda Fríða Berndsen er frænka Jóns Óskars og hefur fylgst grannt með ferli hans árum og áratugum saman.vísir/viktor freyr

Listamennirnir Jón Óskar og Steinunn Þórarins stilla sér upp í tvöfalda ljósmyndatöku.vísir/viktor freyr
Steinunn Þórarinsdóttir, Þórarinn Jónsson og Dóra Einars voru í stuði.vísir/viktor freyr
Myndlist Samkvæmislífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.