Frum­sýning á Audi Q6 e-tron lúxus­sport­jeppanum

Hekla kynnir með stolti einn mest spennandi rafbílinn á markaðnum um helgina þegar Audi Q6 e-tron verður frumsýndur á Íslandi. Bíllinn sem kemur á nýjum undirvagni frá Audi er fjórhjóladrifinn og með 616 kílómetra drægni. Um er að ræða kaflaskil í hönnun frá Audi og eru miklar væntingar gerðar til bílsins af hálfu framleiðandans.

Engu er til sparað þegar kemur að hönnun Audi Q6 en hönnun innra rýmisins er ný frá grunni og hvert einasta smáatriði innan sem utan bílsins hugsað til hins ýtrasta. Nýir margmiðlunarskjáir auka á upplifun ökumanns og farþega, en bíllinn kemur einnig með aukaskjá fyrir farþegasæti í framsæti bílsins.

Kraftmikill rafmótor skilar frábærum aksturseiginleikum og quattro fjórhjóladrif sér til þess að bíllinn er kjörinn fyrir íslenskar veðuraðstæður. Þá býður hann upp á hraðhleðslu þar sem hægt er að hlaða frá tíu prósentum upp í áttatíu á 21 mínútu (í hámarkshleðslu, 270kW).

Audi Q6 e-tron mun heilla hvar sem hann kemur og sýna að hann er verðug viðbót í fjölbreytta vörulínu Audi. Þessi lúxus sportjeppi fangar athyglina með framúrskarandi getu, framsækinni hönnun og stafrænu innra rými.

Söluráðgjafar Audi taka vel á móti gestum á Laugaveginum og á sama tíma má skoða fjölbreytt úrval bíla frá Volkswagen, Skoda og GWM Ora.

„Það er alltaf stór stund þegar við tökum á móti nýjum meðlimum í fjölskylduna og koma Audi Q6 e-tron er þar engin undantekning,“ segir Björn Víglundsson, framkvæmdastjóri sölusviðs Heklu. „Bíllinn er virkilega vel heppnaður og frábærlega hannaður að innan sem utan, eins og Audi er einum lagið. Bíllinn býr yfir mikilli drægni, Quattro fjórhjóladrifi, frábærri fjöðrun og kraftmiklum rafmóturum. Nýtt og hátæknilegt mælaborð með allri nýjustu tækni setur þar punktinn yfir i-ið og gerir Audi Q6 að frábærum akstursbíl.“

Nánari upplýsingar á audi.is.