Fótbolti

Guð­rún Elísa­bet með tvö mörk í sigri á Blikum

Óskar Ófeigur Jónsson skrifar
Valskonur unnu góðan sigur í kvöld.
Valskonur unnu góðan sigur í kvöld. Vísir/Vilhelm

Guðrún Elísabet Björgvinsdóttir skoraði tvö mörk þegar Valur vann 3-2 sigur á Breiðabliki i Lengjubikar kvenna í kvöld en með sigrinum tryggðu Valskonur sér sigur í riðlinum.

Birta Georgsdóttir kom Blikum í 1-0 á 14. mínútu en Guðrún Elísabet Björgvinsdóttir snéri leiknum við með tveimur mörkum fyrir hálfleik. Það fyrra kom á 35. mínútu en það síðara á 44. mínútu.

Amanda Jacobsen Andradóttir kom Val í 3-1 í upphafi seinni hálfleiks en Hrafnhildur Ása Halldórsdóttir minnkaði muninn sautján mínútum fyrir leikslok.

Valskonur unnu alla fimm leiki sína í riðlinum og það með markatölunni 19-3. Bæði liðin eru hins vegar komin áfram í undanúrslit keppninnar.

Guðrún Elísabet og Amanda eru báðar búnar að skora fimm mörk í keppninni.

Lengjudeild kvenna Valur Breiðablik

Mest lesið


Fleiri fréttir

Sjá meira


×

Mest lesið