Erlent

Leita enn að manninum sem skvetti sýrunni

Magnús Jochum Pálsson skrifar
Abdul Ezedi skvetti sýru á konu og tvær ungar dætur hennar á miðvikudag og hefur verið á flótta síðan. Efnin sem hann notaði voru svo sterk að fólk sem kom að fórnarlömbunum varð einnig fyrir áverkum.
Abdul Ezedi skvetti sýru á konu og tvær ungar dætur hennar á miðvikudag og hefur verið á flótta síðan. Efnin sem hann notaði voru svo sterk að fólk sem kom að fórnarlömbunum varð einnig fyrir áverkum. Met Police

Breska lögreglan fór inn í og rannsakaði fimm byggingar í leit sinni að Abdul Ezedi, sem skvetti sýru á konu og tvær dætur hennar á miðvikudag. Ekki hefur sést til mannsins síðan á miðvikudagskvöld og liggur móðirin þungt haldin.

Lundúnalögregla greindi frá því að lögregluþjónar hefðu leitað að Ezedi í tveimur byggingum í austurhluta Lundúna og í þremur í Newcastle. Í einni byggingunni í Newcastle fundust tóm ílát með viðvörunarmerkingum og er verið að rannsaka hvort þau efni tengist árásinni.

Lögreglan hefur hvatt hinn 35 ára Ezedi til að gefa sig fram en hann hefur verið á flótta frá því hann réðist á mæðgurnar. Síðast sást til hans klukkan níu á miðvikudagskvöld þar sem hann fór inn í lest í King's Cross neðanjarðarlestarstöðinni.

Tólf særðust í árásinni, þar á meðal 31 árs kona og tvær dætur hennar sem eru þriggja og átta ára. Allar þrjár liggja þær á spítala en móðurinni hefur verið haldið sofandi og eru áverkar hennar lífshættulegir.

Sky hefur eftir heimildarmönnum sínum að Ezedi og móðirin hafi verið í sambandi. Ezedi er af afgönskum uppruna og bjó í Newcastle og var árið 2018 ákærður fyrir kynferðisbrot. Eins og sjá má á mynd af öryggismyndavél hér að ofan er hann með áverka í andliti, það hefur ekki komið fram hvort þeir tengist árásinni eða séu eldri.

Bretland Erlend sakamál England

Tengdar fréttir

Leita manns sem skvetti eiturefnum framan í mæðgur

Lögreglan í London leitar árásarmanns sem talinn er hafa skvett eiturefnum framan í 31 árs gamla konu og tvær dætur hennar, átta og þriggja ára, í suðurhluta borgarinnar í gærkvöldi. Fólk sem kom konunni til aðstoðar hlaut brunasár í kjölfarið.

Mest lesið


Fleiri fréttir

Sjá meira


×

Mest lesið