Myndaveisla: Glitrandi förðunarheimur og glamúr á HAX

Tilefnið var opnun snyrtivöruheildsölunnar hennar SD Iceland.

„Ég hef ekki fagnað almennilega frá því að ég stofnaði snyrtivöruheildsöluna SD Iceland og fannst tími til kominn að fagna áfanganum með glitrandi glimmer stemmningu og skála með skemmtilegum hópi,“ segir Silla. 

Meðal gesta voru 60 boðsgestir en þar má nefna áhrifavaldana Sunnevu Einars, Fanneyju Dóru, Jóhönnu Helgu, Helga Ómars, Bassa Maraj, Binna Glee, Andreu Magnús, Elísabetu Gunnars, Svönu Lovísu, Ernu Hrund og Lilju Gísla, svo fáir einir séu nefndir. 

Við innganginn tók sannkölluð bleik Beautyblender veröld á móti gestum en varan er eitt vinsælasta og mest notaða förðunartól í heimi. Staðurinn var fallega skreyttur með bleiku, bláu og glitrandi skrauti, í stíl við vörumerki heildsölunnar.

Óhætt er að segja að mikil gleði ríkti yfir hópnum sem mætti prúðbúið og skálaði í fallega framsetta kokteila fram eftir kvöldi.