Eftir­lætis pönnu­kökur allra á heimilinu

Eva er menntaður verkfræðingur og starfar sem fjármálastjóri fiskiðnaðar hjá Marel. Samhliða því er hún mikill listakokkur og deilir gjarnan girnilegum uppskriftum sem henta öllum aldri og eru oft einfaldar í framkvæmd. 

Að þessu sinni deilir Eva uppskrift af morgnuverð sem má að sjálfsögðu njóta hvaða tíma dags sem er og er í algjöru uppáhaldi hjá öllum fjölskyldumeðlimum heimilisins. 

Hráefnin sem til þarf eru ekki mörg því auðvelt að leggja uppskriftina á minnið ef til þess kemur. 

Ofur einföldu bananapönnukökurnar

2 þroskaðir bananar

2 bollar fínt haframjöl

4 egg

1 tsk. lyftiduft

1/2 tsk. salt

dass af sírópi

Blandan sett í hrærivél og steikt upp úr smjöri eða olíu á meðal háum hita. Toppað með eplum, smjörsúkkulaði eða öðru meðlæti eftir smekk.