Dóttir Katrínar Hall­dóru komin með nafn

Þau Katrín Halldóra og Hallgrímur, trommuleikari Sólstafa, eignuðust dóttur nú á vordögum en fyrir eiga þau soninn Stíg, tveggja ára. 

Litla dóttirin fékk nafnið sitt við fallega athöfn í heimahúsi þar sem þeir Sigurður Þór Óskarsson og Oddur Júlíusson sáu um skemmtiatriði.

Barnið fékk nafnið Sóley, en hún fæddist eins og frægt er á fæðingardegi bróður síns. Það var einmitt Stígur, stóri bróðir, sem fékk að velja nafnið á litlu systur sína. Hann tók upp á því strax meðan hún var í bumbunni að kalla hana Sóleyju sem féll vel í kramið hjá foreldrunum og því héldu þau sig við nafnið.