Urriðarnir farnir að taka í Þjóðgarðinum

það eru fáir veiðimenn jafn viðkvæmir fyrir samtali um veiði og þeir sem veiða urriða í þjóðgarðinum enda eru þessir veiðimenn flestir búnir að eyða miklum tíma í að kortleggja svæðið. Það væri þess vegna viðbúið ef það færi í allra manna tal hvar þeir taka og á hvað að staðirnir sem búið er að finna yrðu fljótt þéttsetnir.

Við höfum heyrt í tveimur veiðimönnum sem hafa einmitt undanfarin ár átt góða vordaga við vatnið og dagurinn í gær var ekkert frábrugðin, eiginlega bara betri ef eitthvað er. Annars þeirra fékk tvo rígvæna urriða í gær, 75 og 83 sm og báða á Black Ghost Olive Streamerinn hans Nils Folmer en þessi fluga hefur reynst afar vel í urriðann á vorinn. Hinn fékk þrjá urriða, stærstur af þeim var tæplega 70 sm en við fengum ekki með neinum hætti hvar hann var eða hvað þeir voru að taka en "litrík fluga" var eina svarið sem við fengum. 

Það er vel skiljanlegt að þeir sem læra á svæði með mikilli ástundun séu ekkert að auglýsa það hvar þeir gera góða veiði, það hefur líklega alltaf verið þannig þagnareðli hjá veiðimönnum sem finna loksins staðinn sinn á sínu svæði.