Veg­legir vinningar í páska­bingói Blökastsins

Þeir félagar lofa alvöru skemmtun og veglegum vinningum. Bingóið verður sýnt í opinni dagskrá klukkan 20:00 í kvöld á Vísi og á sjónvarpsstöðinni Stöð 2 Vísi.

Það er til mikils að vinna því á meðal vinninga er:

• 100.000 krónu gjafabréf hjá Icelandair

• Lenovo Flex 5 fartölva frá Origo

• Rúm frá Dorma

• Galaxy A54 sími og spjaldtölva frá Samsung

• PlayStation 5 tölva

Auk þess fá allir vinningshafar kassa af Celsius orkudrykknum og páskaegg frá Freyju.

Fyrirkomulagið

Áskrifendur Blökastsins fá aðgang að hlekk með bingóinu og getur hver fjölskyldumeðlimur sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Hægt er að gerast áskrifandi á vef Tals hér á Vísi.