Lífið

Villi­bráð venju­lega fólksins: „Þín bíða skila­boð á Heilsu­veru“

Elma Rut Valtýsdóttir skrifar
Netverjar hér á landi hafa tekið upp á því að spila leikinn „Villibráð venjulega fólksins“ og er útkoman vægast sagt spaugileg.
Netverjar hér á landi hafa tekið upp á því að spila leikinn „Villibráð venjulega fólksins“ og er útkoman vægast sagt spaugileg. samsett

Vinsæla kvikmyndin Villibráð fjallar um vinahóp sem hittist og ákveður að deila öllum skilaboðum og símtölum sem berast með restinni af hópnum. Krassandi skilaboð setja allt á hliðina og verður ljóst að þetta er stórhættulegur leikur.

Nú hafa netverjar hér á landi tekið upp á því að spila leikinn „Villibráð venjulega fólksins“ og er útkoman vægast sagt spaugileg. Það var Eiríkur Hjálmarsson sem hóf leikinn á Facebook síðu sinni. Þar deilir hann skopmynd eftir Halldór Baldursson, skopmyndateiknara Fréttablaðsins, og síðustu SMS skilaboðum sem honum hafði borist, áminningu um læknistíma sem hann átti bókaðan.

„Villibráðin mín. Hver er þín?,“ spyr hann og hvetur Facebook vini sína til þess að deila sínum síðustu SMS skilaboðum. Útkoman er langur þráður af hinum hversdagslegustu skilaboðum sem eru töluvert frábrugðin þeim sem við sáum í kvikmyndinni Villibráð. Hér fyrir neðan má sjá brot af SMS skilaboðunum sem fólk deildi.

„Krakkakortið hefur verið uppfært. Barnið þitt á nú 2 GB sendir SMS og hringir áfram í alla heimasíma fyrir 0 kr - þér að kostnaðarlausu.“

„Undirritun tókst.“

„Landspítali Fossvogi: Það bíða þín ný skilaboð á Heilsuvera.is. Vinsamlegast skráðu þig inn á Heilsuvera.is með rafrænum skilríkjum.“

„Sæl Ingibjörg. Fiskibollurnar frá Völlum bíða þín í verslun Pylsumeistarans.“

„Eldum rétt pakkinn þinn hefur verið afhentur.“

„Hundavinir: Lotta, timinn thinn er kl. 10:30 a morgun 25.01. Vinsamlegast tilkynnid forfoll i sima 533 3332. Greida tharf 5000 kr i forfallagjald se ekki tilkynnt forfoll deginum adur.“

„Kæru félagsmenn. Minnum a ad sidasti dagur til ad skila inn umsokn i orlofshusum RSI um paska 2023 er 28.januar. Kv. RSI.“

„Kaeri leikhusgestur. Vid minnum a syninguna thina a Niu lif tann 03.02.2023 kl. 20:00. Minnum a ad haegt er ad panta veitingar fra Jomfrunni. Hlokkum til ad sja thig! Borgarleikhusid.“

„20% af öllum vörum í verslunum og á lindex.is með kóðanum more20.“

„Átt tíma í beinþéttnimælingu kl. 13.“

Villibráð hefur verið ein allra vinsælasta mynd landsins frá því að hún kom út í byrjun árs. Kvikmyndin er endurgerð af ítölsku verðlaunamyndinni Perfetti Sconocuti en handritið var aðlagað að íslensku samfélagi. 

Tyrfingur Tyrfingsson, sem gerði íslenska handritið ásamt Elsu Maríu Jakobsdóttur, hefur greint frá því að margt í myndinni sé byggt á raunverulegum sögum úr íslensku samfélagi. Þær sögur rata þó líklega seint í opinberan spjallþráð á Facebook.

Samfélagsmiðlar Facebook Grín og gaman

Tengdar fréttir

Finnst þér þú eiga rétt á að skoða rafræn samskipti maka?

Íslenska kvikmyndin Villibráð hefur hlotið mikla athygli eftir að hún var frumsýnd þann 6. janúar og hefur verið vinsælasta myndin í bíóhúsum síðustu þrjár vikur. Inntakið, svik í samböndum sem komast upp í ansi djörfum samkvæmisleik vinahóps í vesturbæ Reykjavíkur, virðist ýta hressilega við áhorfendum þegar ævintýraleg atburðarásin byrjar taktískt að kitla allar taugarnar.

Stjörnurnar flykktust í bíó að sjá Villi­bráð

Forsýning á íslensku gamanmyndinni Villibráð fór fram í Smárabíói í gær. Landslið íslenskra leikara kemur saman í þessari stórhættulegu kvikmynd undir leikstjórn Elsu Maríu Jakobsdóttur.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.