Bein útsending: Afmælisþáttur Rauðvíns og klaka

Tinni Sveinsson skrifar 30. september 2021 20:21

Steindi og félagar eru með þáttinn Rauðvín og klaka á Stöð 2 Esport á fimmtudagskvöldum.

Þátturinn Rauðvín og klakar snýr aftur á Stöð 2 Esport klukkan 21 í kvöld en þar spilar Steinþór Hróar Steinþórsson tölvuleiki með góðum vinum sínum.

Áhorfendur geta fylgst með í gegnum Stöð 2 Esport og einnig hér á Vísi og Twitch.

Streymi Steinda og félaga, þeirra Digital Cuz, Óla Jó og MVPete, er stærsta íslenska leikjarstreymið landsins og stóðu þeir félagar fyrir flugeldasýningu öll fimmtudagskvöld í fyrravetur.

Eins árs afmæli

Kvöldið er tileinkað eins árs afmæli Rauðvíns og klaka en þættirnir hófu göngu sína fyrir einmitt ári síðan, 30. september 2020. Vegna þessa lofa þeir félagar óvenju miklu fjöri.

Steindi hvetur fólk til þess að ekki bara fylgjast með heldur einnig að taka þátt í umræðunni í spjallinu við útsendinguna á Twitch en þeir félagar spila í rauntíma.

Hægt er að horfa á beina útsendingu Stöðvar 2 Esport í spilaranum hér fyrir neðan.

Klippa: Rauðvín og klakar afmælisþáttur

Rauðvín og klakar Rafíþróttir