Börsungar rúlluðu yfir Juventus í síðasta leik undirbúningstímabilsins

Í morgun kvaddi einn besti knattspyrnumaður sögunnar, Lionel Messi, Barcelona borg á blaðamannafundi sem haldinn var við heimavöll félagsins, Nou Camp.

Er Messi að kveðja félagið í ljósi þess að það hefur ekki efni á að borga honum laun og hafa fréttir af slæmum fjárhag félagsins verið áberandi í fjölmiðlum í sumar.

Engu að síður virðist liðið sjálft vera á ágætum stað í undirbúningi sínum fyrir spænsku úrvalsdeildina sem hefst um næstu helgi því Barcelona vann afar sannfærandi 3-0 sigur á Juventus í æfingaleik í Barcelona í kvöld.

Bæði lið stilltu upp öflugu byrjunarliði en Mempis Depay, Martin Braitwathe og Riqui Puig sáu um markaskorun Börsunga.

Tvær vikur eru í að keppni í ítölsku úrvalsdeildinni hefjist og hefur Juventus því aðeins meiri tíma til að koma sér í gang fyrir tímabilið.