Frá Arion banka til Spari­sjóðs Suður-Þing­eyinga

Þetta kemur fram í tilkynningu frá Sparisjóðnum en Eyjólfur mun hefja störf hjá þar í september. Eyjólfur starfaði í rúm tíu ár fyrir Arion banka á árunum 2009 til 2019 og starfaði sem forstöðumaður bíla- og tækjafjármögnunar, svæðis- og útibússtjóri á Vesturlandi, forstöðumaður fyrirtækjaviðskipta og fjármálaráðgjafi fyrirtækja.

Þá starfaði hann við greiningardeild Glitnis samhliða meistaranámi og til fjögurra ára hjá Lýsingu sem fjármálaráðgjafi fyrirtækja. Eyjólfur er ekki ókunnur Norðurlandi en hann starfaði sem fjármálastjóri hjá Fjallalambi á Kópaskeri á árunum 2002 til 2004 í kjölfar útskrifar úr viðskiptafræði og lærði til stýrimanns á Dalvík árið 1994.

Ein elsta fjármálastofnun landsins

Eyjólfur er fæddur og uppalinn í Grindavík og starfaði við störf tengd sjávarútvegi fram að háskólanámi, aðallega til sjós. Undanfarið ár hefur Eyjólfur starfað við eigið fyrirtæki við ráðgjöf til fyrirtækja og sem aðstoðarmaður fasteignasala hjá Gimli.

Sparisjóður Suður-Þingeyinga ses. er sjálfseignastofnun sem varð til við sameiningu fimm sparisjóða í Suður-Þingeyjarsýslu. Um er að ræða eina elstu fjármálastofnun landsins en sá elsti þeirra, Sparisjóður Kinnunga, var stofnaður árið 1889. 

Aðalstarfstöð Sparisjóðsins er á Laugum í Reykjadal en að auki eru starfræktar tvær starfsstöðvar, annars vegar í Reykjahlíð, Mývatnssveit og hins vegar á Húsavík.