Domino's Körfuboltakvöld: „Þetta verður aldrei samþykkt“

Formenn innan körfuboltahreyfingarinnar hafa stigið fram á undanförnum vikum og talað um það að búa til heiðursmannasamkomulag innan körfuboltans hvað varðar erlenda leikmenn.

Böðvar Guðjónsson, formaður körfuknattleiksdeildar KR, talaði um það í Sportinu í dag á föstudaginn að hann vildi takmarka erlenda leikmenn. Dominos Körfuboltakvöld ræddi þetta í þætti sínum á föstudaginn og um formannafundinn sem framundan er.

„Ég held að það sé meirihluta formanna sem vilja bara vera með einn útlending. Maður er að heyra það. Ef að það er meirihluti, gildir það bara?,“ sagði Teitur Örlygsson.

Stjórnandinn Kjartan Atli Kjartansson benti á að Keflavík og Tindastóll hafi nú þegar náð sér í tvo Bosman-leikmenn svo þetta myndi varla ná hljómgrunni.

„Höttur er kominn með fjóra eða fimm. Þeir eru aldrei að fara samþykkja þetta og þetta verður aldrei samþykkt. Því miður fyrir þá sem vilja það.“

Alla umræðuna má sjá hér að neðan.