Föst á Íslandi í þrjá mánuði og fékk að kynnast landinu ferðamannalausu

„Ég var föst á Íslandi frá 1. mars til 31. maí sem ferðamaður. Ég var það heppin að sjá árstíðirnar breytast og upplifa landið nánast ferðamannalaust,“ segir kona að nafni Meryl á Reddit.

Þar hefur hún opnað þráð til að ræða dvöl sína hér á landi. Hún bendir á Instagram-reikning sinn þar sem hún hefur birt myndir frá dvöl sinni.

Meryl ferðaðist töluvert um landið en hún segist hafa safnað fyrir þessari ferð í langan tíma en hafi þurft að gista á ódýrari stöðum vegna þess að dvölin varð lengri en til stóð.

Hér má sjá myndir á Instagram-reikningi Meryl og sjá landið nánast ferðamannalaust.