Jólalag dagsins: Jógvan Hansen og Friðrik Ómar sungu um mömmu kyssa jólasvein á íslensku og færeysku

Tíundi desember er runninn upp og því fjórtán dagar til jóla. Á sjónvarps- og útvarpsvef Vísis má finna fjölmörg hugljúf jólalög sem margir af okkar fremstu listamönnum hafa tekið í gegnum tíðina.

Vísir ætlar að telja niður til jóla með fallegu jólalagi úr safni sínu á hverjum degi.

Í dag býður Vísir upp á flutning Jógvans Hansen og Friðriks Ómars á laginu Ég sá mömmu kyssa jólasvein. Þeir gera lagið að sínu og syngja bæði á íslensku og færeysku en Jógvan er sem kunnugt er frá Færeyjum.

Þeir fluttu lagið hjá Loga í desember 2016.