Orkuhúsið í Urðarhvarf

Orkuhúsið og Reykja­stræti fasteignafélag hafa skrifað undir 20 ára leigusamning um rúmlega 4.000 fermetra í Urðarhvarfi 8. Orkuhúsið, þar sem boðið er upp á sjúkraþjálfun, röntgenþjónustu og bæklunarlæknaþjónustu, mun flytja starfsemina í lok árs.

Urðarhvarf 8, eitt stærsta skrifstofuhúsnæði landsins, er um 17.500 fermetrar auk 8.000 fermetra bílakjallara á tveimur hæðum. Allar kjarnaframkvæmdir eru langt komnar en um þriðjungur af húsinu er nú þegar leigður út og um 6.000 fermetrar eru í skoðun, sérstaklega hjá fyrirtækjum í heilbrigðistengdum rekstri.

„Við viljum fá eins mörg símtöl frá þeim geira og hægt er enda geta fyrirtækin stutt við hvert annað ef nábýlið er meira,“ segir Páll Ólaf Pálsson, forsvarsmaður Reykja­strætis.