Hvernig gerir maður mat eins og Michelin kokkur?

Hvernig gerir maður dásamlegt graslauksmajones eða capers smjör eins og Michelin verðlaunakokkur?

Vala Matt fór í leiðangur fyrir Ísland í dag og skoðaði nokkra íslenska veitingastaði sem hafa fengið hin frægu Michelin meðmæli sem er einn eftirsóttasti gæðastimpillinn í veitingahúsaheiminum.

Við kynnumst töfrum krydda og óvenjulegra rétta sem einnig er hægt búa til og njóta heima í eldhúsi líkt og við værum á glæsilegum Michelin veitingastað.

Vala heimsótti veitingastaðina Skál í Mathöllinni á Hlemmi, Nostra í gamla Kjörgarðshúsinu á Laugaveginum, Mat og drykk úti á Granda og veitingastaðina Sumac og Óx á Laugavegi.

Þá spjallaði Vala við veitingahúsafólkið Gísla Matthías Auðunsson, Elmu Backman, Jóhönnu Jakobsdóttur og Þráinn Frey Vigfússon og fékk hjá þeim góð ráð fyrir eldamennskuna.

Þáttinn má sjá hér að neðan.