Sigríður Mogensen ráðin sviðsstjóri hugverkasviðs Samtaka iðnaðarins

Sigríður Mogensen hefur verið ráðin sviðsstjóri hugverkasviðs Samtaka iðnaðarins og mun hún hefja störf á næstu mánuðum.

Í tilkynningu frá Samtökum iðnaðarins segir að Sigríður hafi frá árinu 2015 starfað  við áhættustýringu hjá Deutsche Bank í London.

 

„Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. Þá hefur  Sigríður einnig starfað sem fréttamaður á Stöð 2 og blaðamaður á Viðskiptablaðinu. Um árabil var hún aðstoðarkennari í fjármálum og hagfræði við Háskóla Íslands.

 

Sigríður er hagfræðingur að mennt með BS gráðu frá Háskóla Íslands og MS gráðu í reikningshaldi frá London School of Economics,“ segir í tilkynningunni.