,,Saint Laurent stelpan er komin til að skemmta sér"

Sýning Saint Laurent var haldin í París í gær, fyrir framan upplýstan sjálfan Eiffel-turninn. Anthony Vaccarello, listrænn stjórnandi Saint Laurent, sagði einfaldlega vilja segja söguna af hinni frönsku Saint Laurent stelpu, og París. 

Það var mikið um glamúr, mjög stutta kjóla, stuttbuxur, flegna eða gegnsæja toppa og fjaðrir. Stígvélin voru há upp löppina og víð, og annaðhvort krumpuð eða skreytt fjöðrum. ,,Saint Laurent stelpan er ekki þunglynd, hún vill bara hafa gaman," sagði Anthony um Saint Laurent stelpuna sem hann vildi kynna til leiks. Einnig var mikið um leður, sérstaklega glansandi leðurjakka og kápur sem við höfum séð svo mikið af undanfarið. 

Samkvæmt fötunum er Saint Laurent stelpan mikið partý-dýr. Ætli yngri kynslóðin verði ekki vitlaus í þessa línu?