78 ára fyrirsæta sem stíliseraði sig sjálf

Við Íslendingar ættum að þekkja sænska merkið Acne Studios ansi vel og ef ekki er núna kominn tími til. Þeir ákváðu að fara nýjar leiðir þegar þeir kynntu millilínu sína fyrir blaðamönnum í höfuðstöðvum sínum í Stokkhólmi á dögunum. 

Þar frumsýndu þau nýja lookbook fyrir millilínu sína, resort 2018 en fyrirsætan er engin önnur en hin 78 ára Veruschka von Lehndorff, fyrirsæta sem hefur upp á síðkastið verið með góða endurkomu á tískupöllunum. Andi línunnar snýst um persónulegan stíl og því mátti hún stílisera sig sjálf en við verðum að segja að útkoman er ansi góð. 

Nokkur draumadress þarna fyrir næsta vetur - leggings, hettupeysur, góð litasamsetning og hæfilegt af fylgihlutum til að poppa upp á útkomuna. Getum við fengið þessar rauðu leðurbuxur núna?