Chanel byggði geimfar fyrir tískusýningu sína

Það var ekkert til sparað hjá Chanel í morgun þegar Karl Lagerfeld sýndi haustlínu sína fyrir franska tískuhúsið. Byggt var sérstakt geimfar og komið fyrir í miðjum salnum þar sem fyrirsæturnar gengu í kring. Í lok sýningarinnar var svo geimfarið skotið upp, svona næstum því. 

Sýningin fór fram í Grand Palais í París. Tískuvikunni í París lýkur í dag. Haustlínan var innblásin af öllu því sem við kemur geimnum en mikið var um glansandi efni, framandi fylgihluti en hvítur og svartur voru þó aðal litir línunnar. 

Hér fyrir neðan er hægt að sjá það helsta frá sýningunni sem og myndband af því þegar geimfarinu var „skotið upp“.