Kia GT er 5,1 sek. í 100

Kia mun kynna sportbílinn Kia GT á bílasýningunni í Detroit í næsta mánuði, en þar fer sneggsti bíll sem S-kóreski bílaframleiðandinn hefur nokkurn tíma framleitt. Hann er aðeins 5,1 sekúndu í 100 km hraða, enda 315 hestöfl.

Vélin í bílnum átti upphaflega að vera í KIA GT4 Stinger sem Kia kynnti sem tilraunabíl fyrir nokkrum árum, en hefur hætt við að framleiða. Í Evrópu verður Kia GT einnig í boði með dísilvél, líklega sömu 197 hestafla vélinni og er í Hyundai Santa Fe.

Kia hefur verið að reyna GT bílinn á Nürburgring brautinni og akstur hans þar má sjá í myndskeiðinu hér að ofan. Þar sést meðal annars að bílnum er ekið á 244 km hraða, en hámarkshraði bílsins er víst nálægt 280 km/klst. Einnig sést að bílnum hefur verið ekið 13.164 kílómetra, svo víst er að Kia slær ekki slöku við í prufuakstrinum á þessum bíl.

Kia GT verður kominn í sýningarsali víða um heim í sumar og mun kosta kringum 30.000 dollara í Bandaríkjunum, eða 3,3 milljónir króna, en eitthvað dýrari verður hann vafalaust hér á landi.