Irina Shayk og Bradley Cooper trúlofuð

Eftir Victoria's Secret tískusýninguna tilkynntu Irina Shayk og Bradley Cooper að þau ættu von á sínu fyrsta barni. Nú er einnig komið í ljós að þau eru trúlofuð. 

Fyrirsætan var að yfirgefa ræktina þegar myndir náðust af henni með demantshring á baugfingri. Hringurinn er afar fallegur með grænum steini í miðjunni sem er umkringdur demöntum. 

Hringurinn svipar mikið til trúlofunarhrings Kate Middleton sem Vilhjálmur prins gaf henni. Sá hringur er örlítið stærri en sá sem Shayk gengur með og er með bláum stein í miðjunni.