Kim og Kanye dvelja hvort á sínum staðnum

Fjölmiðlar í Bandaríkjunum halda því fram að hjónin Kim Kardashian og Kanye West búi hvort í sínu lagi þessa dagana. Hann var lagður inn á spítala í seinustu viku vegna ofþreytu, næringarskorts og fleira en mikið álag hafði verið á honum seinustu mánuði. 

Samkvæmt heimildum People er Kanye allur að koma til og það aðeins tímabundið ástand að þau séu hvort á sínum staðnum. Kim sé að hugsa hvað sé best fyrir börnin og hún telur að Kanye þurfi að ná sér að fullu áður en þau geti búið saman aftur.