Volvo trukkur sem er 4,6 sek. í 100

Volvo smíðaði á dögunum trukkinn “Iron Knight” í aðeins einum tilgangi, að slá við hraðaheimsmeti á meðal trukka. Til þess dugði ekkert nema 2.400 vél með um 6.000 Nm tog. Þessi trukkur er með miðjusett dísilvél og sjálfskiptingu með tveimur kúplingum. Hann er ári fljótur úr sporunum og kemst á 100 km hraða á 4,6 sekúndum.

Í stuttu máli tókst þeim Volvo mönnum að setja nýtt heimsmet á Skelleftea brautinni í Svíþjóð og til að fá það viðurkennt varð trukkurinn að fara 1.000 metra vegalengd í báðar áttir og tókst það á 21,29 sekúndum og 500 metra kláraði hann á 13.71 sekúndu. Endahraðinn var 276 km/klst.

“Iron Knight trukkurinn er 4,5 tonn og heilu tonnu léttari og 600 hestöflum öflugri en sá trukkur sem átti hraðametið áður, en hann var einnig af Volvo-gerð og var kallaður “Mean Green”. Sjá má trukkinn öfluga setja metið í myndskeiðinu hér að ofan.