"Það er heimskulegt að klæða sig eftir aldri“

Það eru sérlega stór tímamót í lífi tísku goðsagnarinnar Iris Apfel en hún fagnaði 95 ára afmælinu sínu fyrir tveimur dögum sem og hún frumsýndi nýjustu tískulínu sína í samstarfi við verslunina Macy's. 

Iris hefur oft verið þekkt sem ein best klædda kona heims enda er hún með alveg einstakan fatastíl. Hún safnar fylgihlutum, þá sérstaklega stórum hálsmenum og armböndum, og elskar að klæðast sterkum litum. 

Í viðtali við Fashionista í tilefni þessara stóru tímamóta sagði hún að það væri heimskulegt að klæða sig eftir aldri þó svo að það séu ýmis trend sem að konur ættu að láta vera eftir að hafa náð vissum aldri.

Hún tekur einnig fram að tískubransinn sé alltof mikið að einblína á ungar konur. Fötin sem eiga að vera hönnuð fyrir konur yfir fertugt eru samt hugsuð fyrir líkama ungra kvenna og að þessi hefð sé komin algjörlega út í hött. 

Mikið til í því sem Iris segir enda ætti hún að vita ýmislegt um tískubransann og hvernig maður á að klæða sig.