Vogue mælir með Hrím, Noodle Station og Kiosk

Vogue hefur birt lista á heimasíðu sinni yfir staði sem þeir mæla með á Laugaveginum. Þrátt fyrir að það sé ýmislegt sem vanti á listan að okkar mati þá erum við að mestu sammála honum. Á listanum er að finna ýmislegt skemmtilegt og það er gaman að sjá hvað stendur upp úr hjá erlendum gestum á landinu okkar. 

Meðal þess sem má finna á listanum er Kiki Queer Bar sem Vogue segir vera lítinn sætan stað sem þjóni öllu hinsegin samfélaginu á Íslandi. Því sé mikil fjölbreytni þar inni og að maður gæti óvænt lent á Karaoke kvöldi eða drag sýningu. 

Verslanirnar á listanum eru Kiosk, Hrím, Spútnik Mál og Menning, Myconceptstore og Systur&Makar. Matsölustaðirnir á listanum eru Noodle Station, Hlemmur Square, Sandholt og Kaldi bar.