Draumkennd sýning Hildar Yeoman í kvöldsólinni

Fatahönnuðurinn Hildur Yeoman hélt sýninguna Transcendence í Lækningaminjasafninu í Reykjavík á föstudaginn og er óhætt að segja að áhorfendur urðu ekki fyrir vonbrigðum. 

Á sýningunni, sem var innsetning í tengslum við Listahátíð í Reykjavík þar sem telft var saman hönnun, ljósmyndun og myndlist, sýndi Hildur nýja fatalínu. Í tilkynningu um sýninguna segir að „Í Transcendence er farið inn á mörk drauma og svefns og haldið er í ferðalag um þá handanveru sem er manninum hvoru tveggja kunnugleg og framandi í senn.“

Mjög áhugaverð sýning frá Hildi sem var i hennar anda, fatnaðurinn bar keim af glamrokk með fallegum munstrum, kvenlegum sniðum og góðri blöndu af netaefni og skínandi silfri. Fötin eru svo væntanleg í sölu í haust - svo það er bara að byrja að láta sig dreyma. 

Myndirnar tók Saga Sig. 

 

 

 

 

Glamour lét sig ekki vanta á Transcendence, sýningu Hildar Yeoman í Lækningaminjasafninu í kvöld. Óvenjuleg og falleg sýning þar sem fyrirsæturnar gengu ekki hinn hefðbundna tiskupall, heldur dönsuðu og gengu um rýmið. #glamouriceland #hilduryeoman

A video posted by Glamour Iceland (@glamouriceland) on Jun 3, 2016 at 2:20pm PDT

Sýningu @hilduryeoman lauk undir berum himni, þar sem fyrirsæturnar dönsuðu í grasinu, enda ekki annað hægt þegar íslensku sumarkvöldin skarta sínu besta #glamouriceland #hilduryeoman

A photo posted by Glamour Iceland (@glamouriceland) on Jun 3, 2016 at 2:44pm PDT