Ný Top Gear upphitunarstikla

Sýningar á nýjum Top Gear þáttum hefjast í þessum mánuði og víst er að margir hafa beðið eftir sýningum þeirra. Þeir Top Gear menn hafa verið duglegir að hita mannskapinn upp og líklega er hér að sjá síðustu stikluna í þeirri upphitunarröð.

Í henni er allt sem svangir áhugamenn vilja sjá, Mustang dekkjabruni, Viper útbúinn sem stríðstól, kappakstur við herþotu, Chris Evans ælandi, torfæruakstur og miklu meira. Þessi stikla er reyndar óvenju löng, eða 1 mínúta og 45 sekúndur af bílaklámi.

Þarna má einnig sjá Matt LeBlanc á ótrúlega lélegum bílum, nokkrir Ferrari, McLaren og Corvettu bílar teknir til kostanna, Sabina Schitz, Jenson Button, Stig og nokkur atriði þar sem ökumenn þessara bíla allra voru svo hræddir að gæsahúðin og sviti spruttu fram. Semsagt 105 sekúndur af gleði og sjón er sögu ríkari sem fyrr.