Sebastian Vettel vann í Ungverjalandi

Eftir dramatíska keppni kom Sebastian Vettel fyrstur í mark á Ferrari bílnum. Daniil Kvyat á Red Bull varð annar og Daniel Ricciardo varð þriðji einnig á Red Bull.

Ræsingin tókst ekki í fyrstu tilraun, Felipe Massa lagði Williams bílnum ekki á réttum stað fyrir ræsinguna.

Vettel glímdi við Lewis Hamilton í endurræsingunni og fór út af og varð tíundi. Dagurinn hans varð bara svartari, Hamilton missti rafafl og fékk refsingu fyrir að valda árekstri.

Kimi Raikkonen varð annar á eftir liðsfélaga sínum eftir ræsinguna. Ferrari átti ótrúlega ræsingu.

Pastor Maldonado ók Lotus bílnum á Sergio Perez á Force India og sendi hann upp í loft. Maldonado var svo refsað fyrir með því að aka í gegnum þjónustusvæðið.

Öryggisbíllinn kom út að lokum eftir að Nico Hulkenberg lenti á varnarvegg í beygju eitt á Force India bílnum. Fyrr hafði sýndar öryggisbíll verið notaður.

Raikkonen þurfti að koma inn á þjónustuhlé á hring 52 til að láta endurræsa bílinn. Hann hætti svo keppni skömmu eftir það. Það dugði ekki að slökkva og kveikja.

Ricciardo reyndi að taka fram úr Nico Rosberg í fyrstu beygju, læsti dekki og fór fram úr og framhjá, Rosberg tók fram úr honum í kjölfarið og lokaði á Ricciardo og lenti á framvæng Ricciardo og sprengdi afturdekk.

Rosberg komst á þjónustusvæðið og kom út á brautina aftur fyrir aftan Hamilton. Ótrúleg atburðarás í dag.

Hér fyrir neðan má sjá gagnvirkt brautarkort með öllum helstu úrslitum helgarinnar.