Í samfesting eftir Sólveigu á Wimbledon

Ritstjórn skrifar 13. júlí 2015 09:53

Leikkonan Sienna Miller stal senunni á Wimbledon-mótinu um helgina er hún klæddist hvítum samfesting frá fatamerki Sólveigar Káradóttur, Galvan London.

Miller horfði á tennismótið fræga og sat í áhorfendastúkunni ásamt umboðsmanninum Ari Emanuel og virtist skemmta sér hið besta með sólgleraugu og rauðan varalit.

Þetta er ekki í fyrsta sinn sem Miller sést í fatnaði frá merkinu en leikkonan er aðdáandi Galvan London, sem er á mikilli uppleið þessa stundina í tískuheiminum og voru Sólveig og félagar meðal annars í viðtali við Vogue um daginn.

Nýtt Glamour er komið í allar helstu verslanir - ekki gleyma að tryggja þér eintak!

Komdu í hóp frábærra áskrifenda hér.

Fylgstu með Glamour á Instagram og Facebook.

Glamour Tíska